‎常見問題

租車必須符合以下條件：

1）年滿 18歲或以上，持有有效嘅身份證明文件同駕駛執照;

2）近三年内沒有任何酒精或毒品相關嘅違例記錄;

3）近三年内沒有任何危險駕駛等嚴重違例駕駛記錄。

1）你需要提供有效嘅駕駛執照，並將證明文件包括身份證同埋最近三個月嘅地址證明提供俾我地公司嘅職員同你登記 & 落訂，就可以租到我地嘅車啦！

2）如果你係屬於訪港旅客（即抵達香港，但响香港居住唔超過十二個月嘅人士），可以憑所持有嘅有效身份證明文件、最近三個月係香港嘅地址證明同埋海外駕駛執照或國際駕駛許可證同你登記 & 預訂，咁就可以租到我地嘅車啦！(國內遊客除外)

P牌或未滿25嵗都可以租大部份車款，只需因應車款每日加$50/100 附加費。

1）網頁預訂：您可以通過登入我們的網站 https://www.pbsvan.com 選擇心水車款，按右下角WhatsApp綠色掣，便有CS專人為你服務

2）WhatsApp 預訂：按 https://wa.me/85251624911 便有CS專人為你服務

3）Wechat 預訂：搜尋「PBS 豐裕智運」公眾號，便可以喺辦公時間即時同我哋客服聯繫，方便快捷！

4）電話預訂：請於辦公時間致電: +852 51624911 同我哋客服聯繫

計算嘅方法如下：

日租 - 以 24小時計算，唔夠 24小時亦會以 1日嚟計算，例如由星期一嘅 10:00 至星期二嘅 10:00;

週租 - 以 7日6夜計算，例如由星期一租到星期日;

月租 - 以 30日計算，例如由嗰個月嘅 1號租到嗰個月嘅月尾。

如果確認預訂之後取消，我地將會收取以下取消費用：

日租 & 週租 - 港幣$500;

月租 - 港幣$1,000。

如檔期許可的話，可以租一日，請先向客服同事查詢，如果只租一天，需要加$150附加費。

唔同嘅車款租金都會唔一樣㗎，詳情請以我地網頁入面嘅價格爲準！

如果星期六、日或公衆假期租車，日租將會加收港幣$50-$100;

P牌或者未過 25歲，日租亦都需要加收港幣$50-$100;

使用信用卡付款需付3%手續費。

唔同嘅車款按金都會有所不同㗎，詳情請以我地網頁入面嘅價格爲準！

使用信用卡付款需付3%手續費。

易通行隧道費預繳於每個月1號結算，有關隧道費餘額還車當日結算退回。

租金或按金 可以用現金/轉數快/Payme付款，以信用卡付款(卡機支付) 加 3%手續費就得(若需要用信用卡，請確認訂單時通知)，信用卡是直接過數，退還按金會直接退到銀行戶口或者FPS亦可

所以車輛已安裝 HKeToll易通行，隧道費用會實報實銷，在易通行預繳中扣除。

租金費用已包括第三者保險，香港租車不需要支付稅金。

我哋除了提供週/月租車優惠，亦有以月計形式的企業租車優惠方案，詳情可向客服查詢。

有的，我哋提供專業司機接送服務，收費詳情可向客服查詢。

登記人本人須携帶身份證、駕駛執照同埋最近三個月嘅地址證明正本到指定嘅地點攞車，攞車時雙方需要確認車嘅狀況係良好同安全；任何已知嘅損壞都需要影相作實，確認無問題之後就簽合約同交租金，咁就可以攞車啦！你亦都可以選擇預訂送車服務，我地將會收取額外港幣$100-300 不等嘅送車費用。

1）你須根據租車合約上指明嘅交車時間同地點交車俾我地公司嘅同事。若果遲交車俾我地，首小時每 15 分鐘我們將會收取港幣$100，第 2 小時或其後每 30 分鐘收取港幣$500 或每日港幣$3,000；

2）你須於還車前一小時內，於還車地點附近加油站入油，並出示收據， 如無入滿或未能出示收據，將收取港幣$200 手續費並加入油費；

3）還車時須確保車廂入面嘅垃圾已經清理好同埋車已做清潔，否則我地將會收取港幣$200 作為清潔費；

4）如果响車廂內吸煙或攜帶寵物進入車廂，我地將會收取港幣$800 作為蒸籠費用。

燃油車款: 滿油交車，滿油還車。

電動車款: 租用我哋嘅電動車，唔洗為充電煩惱，還車後我哋幫你充返電，充電費只收友情價 “一度電＄2”，慳返金錢同時間成本，體驗真正無憂出行。

日租250km / 週租1500km / 月租4000km，超出嘅部分將會以每公里港幣$2 計算。

如果需要提前還車，你可以 WhatsApp 同我地嘅客戶服務員聯絡，我地會盡量安排。

我地唔會收取手續費，但租金並唔會按比例退還。

可以視乎車款檔期而定，我哋有以下免費交收點(交收時間):

- 佐敦文蔚街 (9:30am-6pm)

其他地點收費：$300

詳情可向客服查詢。

如果响租車期間發生違例駕駛而且收到告票，請係限期内自行繳交罰款。

如果需要我地代繳，請係交車時通知我地職員以作記錄，除咗收取所需繳交嘅款項外，我地將會額外收取每張港幣$200 作為手續費。

如果响租車期間因違例泊車而俾警方拖走架車，須承擔所有衍生嘅費用，我地亦將會額外收取港幣$1000 作為手續費。

你需要係收到告票嗰日起 21日内繳交罰款。如果你無响 21天内繳交罰款而導致我地公司收到警方發出嘅欠繳罰款通知書，除咗收取所需繳交嘅罰款之外，我地將會額外收取每張港幣$200 作為行政費用。

當告票處理完成之後，需要將繳費記錄以 WhatsApp 嘅方式提供俾我地公司職員以作為覆核同記錄之用。

你可以考慮下載 WAZE 或者高德地圖呢啲導航 Apps 以幫助了解路面嘅情況。但因為有時導航會比較慢，過咗路口先提示轉向，所以都建議揸車前預先 check 咗路線先。

你並唔可以借所租嘅車俾第三者揸；若果因為第三者揸而發生任何交通意外，所引致嘅一切法律責任一概由承租人承擔。

所租嘅車响租用期間内嘅非人爲自然損耗，維修費將會由我地承擔，并且我地會提供其他車俾你或者按日扣減租金；若果所租嘅車係因為人為因素而要維修，維修費將會由承租人承擔，并且需要支付車輛維修期間嘅租金或按每日港幣$500 計算，以補償我地嘅損失。

處理步驟︰响安全嘅情況下停車 → 報警同影相 → 記錄資料同提供俾我地 → 協助我地處理

意外無人想發生，但若果你係租車期間真係不幸地發生任何交通意外 (不論對錯)，請你保持冷靜，停車並著起危險警告燈，留係原地即刻報警，係安全嘅情況下了解情況、影相或拍短片同响 1個鐘内聯絡我地嘅職員。你必須抄低車牌、記錄所有人 (包括當事人同目擊證人) 嘅姓名、地址、電話等資料，並填報汽車保險意外報告書，之後如果收到任何有關呢宗交通意外嘅文件亦都需要即時呈報俾我地。另外，你亦須無條件協助我地辦理索償事宜或者出庭作證，否則一切責任將由承租人承擔（包括所有法律責任與及我地嘅損失）。

如果所租嘅車因發生意外而導致損壞，未經我地同意，並唔可以擅自維修，否則一切責任將由承租人承擔。

所租嘅車必須由承租人揸，如果因第三者揸而發生意外事故，需配合我地公司完成保險索償，具體受理與否將以保險公司最終審核為準；如果保險公司唔受理則一切意外相關嘅開支需由承租人承擔。另承租人亦需額外支付港幣$20,000 嘅墊底費用。

你並唔可以以所租嘅車用作從事任何違法活動，亦請你嚴格遵守一切交通法例，按照交通標誌所發出嘅指令、警告，例如方向、限速等指示小心駕駛。

夜間突然爆胎，先將車輛停在安全位置，請不要繼續行駛，並自行上網揾就近嘅24小時流動上門輪胎服務，費用需自己承擔。

在保證自身安全嘅情況下先報警，一切按警方嘅指示去處理。並在本公司服務WhatsApp留言說明情況，本公司會在工作時間繼續幫你跟進。

所租嘅車在租用期間内如因交通違例而所引致嘅任何法律責任同損失，一概由承租人承擔。承租人亦不得以所租嘅車從事任何違法活動，包括 (但不限於) 醉酒駕駛、載客取酬、運載毒品等等。如若本公司發現承租人在租用期間違反合約條款或使用車輛從事違法活動，我地有權單方面終止合約，有關嘅一切責任將由承租人承擔。

我地所有嘅車都有合法嘅第 3 者保險。如果有任何疑問，亦歡迎查詢。